拍檔牛兄周中命中東京綠茵熱W，雖則條過關斷咗，但拉勻計總叫做有微利，至少增加本欄士氣。去到季尾，西甲形勢相當清晰，艾美利亞經已上晒岸冇嘢爭，客軍愛斯賓奴只要贏波就即刻提早一周護級成功，客W要捧。
第10位嘅艾美利亞肯定唔使降班，又肯定爭唔到歐洲賽，餘下兩周屬例行公事；唯一要顧忌嘅，只係今場係艾軍今季最後一次主場作賽，謝幕戰通常都去盡，所以建議波友補番注「大」。加上卡勞烏捷踢埋今場先會返尼日利亞國家隊報到，又有卡路士加西亞刑滿復出，相信前面一定去盡，懶理防守，開「大」合理。
14位嘅愛斯賓奴暫多尾3嘅希杭4分，換言之周六全取3分即護級成功。至於喺新帥普捷天奴上任後，球隊戰績明顯有改善，對上8戰6勝1和1負；而沙治奧辛捷士據悉已傷癒，守將比蘭加又停賽復出，加西亞費南迪斯、迪拉彭拿同華度等主力全可上陣，客W好穩。
基達菲食硬紐文
配腳揀西甲護級戰，要基達菲主場擊敗紐文西亞，1.55倍主W同[-1]嘅2.6倍「主勝」都有信心。基達菲家陣由前皇馬名將米高領軍，早前3:0大勝奧沙辛拿已相當具說服力，上周更差啲作客贏埋要爭歐洲賽嘅拉科魯尼亞，只係尾段俾主隊迫和。
16位嘅基達菲暫得38分，僅多希杭1分，周六將會最後一次主場作賽，唔贏嘅話降班漩渦真係殺埋身。睇番陣容，除咗中場卡斯基路因傷長唞外，謝美加維蘭、阿祖安干沙利斯同高士曼干查都可趕及上陣，加埋大勇嘅格尼路同蘇爾達杜，力足擊敗紐文西亞。紐文西亞上周完場前先憑巴卡路嘅12碼贏維爾瓦，但呢班波唔識踢作客，今季1勝2和15負就知咩料啦。文：畢傑
早飛王貼士
星期六31 艾美利亞vs愛斯賓奴
首選：愛斯賓奴勝（2.35）
次選：艾美利亞大（1.9）
冷選：愛斯賓奴勝3:1（17）
早飛倉
主菜：星期六31愛斯賓奴勝（2.35）@2,000
渾水摸魚過關：星期六31艾美利亞大（1.9）x星期六34基達菲勝[-1]（2.6）2x1@1,000
今日早餐價錢：-$3,000
上日賺蝕：+$1,400
早飛倉結餘：$74,465
規則：$100,000本錢，每日買早報最多動用$5,000，
最少$1,000，逢周二、五見報。
周末焦點
星期六15 拜仁慕尼黑vs史特加
德甲煞科日，拜仁與史特加同得64分暫排2、3位，兩者如要爭標除須全取3分外，還要寄望榜首禾夫斯堡（66分）主場對雲達不來梅失分才可如願。
星期六39 維拉利爾vs華倫西亞
維拉利爾與華倫西亞俱要爭前4的歐聯資格，同時亦要力保前6歐洲賽位置，因第7位的拉科仍然窮追不捨。論往績，雙方近年在維拉利爾主場交手，從未出現和波。
星期六42 波爾多vs摩納哥
法甲榜首波爾多暫得74分，如今役能擊敗摩納哥，而那邊廂的馬賽未能作客擊退南錫，波爾多便可提前一周封王。至於連續7屆聯賽冠軍里昂，則肯定無緣爭標。