羅海星愛國，無悔因「窩藏反革命分子」入獄，「都係判5年啫，10年就話陰功。」六四後，他捲入黃雀行動，為營救民運人士陳子明和王軍濤，墮入中共圈套。羅海星等三名港人被捕，同案還有近70名內地人受牽連，「好多內地嘅幕後功臣，呢世都可能冇人知！」
89年，羅海星剛辭去貿易發展局駐北京代表、月薪6萬元的優差，開拓中港生意。「如果冇六四，駐京辦主任一早係我！」六四改寫他的命運。他出獄後，大商家不敢聘用，他輾轉改行做傳媒人，到自由亞洲電台工作，近年患病才退下來。
八九學運期間，羅海星身在北京，深受震撼。屠城後，內地朋友找他「搭路」逃亡，事成後再叫他營救陳子明、王軍濤。「話佢兩個係幕後黑手，好離譜！」他「膽粗粗」再做傳訊人，交給岑建勳設法營救。
誰料接頭人是「內鬼」，陳、王二人分別在湛江、湖北落網；北上營救的港人黎沛成、李龍慶被扣。89年10月，羅海星在深圳被捕，一網打盡。「我有乜辦法？接頭人係王軍濤副手，當時只有信佢！」
判刑5年 比王丹重
羅海星出身左派家庭，父親羅孚曾是共產黨員、《新晚報》總編輯。他16歲回廣州升學，經歷文革，曾被指洩露國家機密遭收押。父親也曾被指做間諜，軟禁北京10年。羅海星初時被跟蹤仍不以為然，「覺得佢哋冇證據，唔怕。」開庭後才醒覺「呢度唔係香港，砌你唔使講證據！」
呈堂證物，只得一張廣州往深圳車票，「無名無姓，就話係我。」
91年3月他被判刑5年，比王丹的4年還重，「係要警告香港人，好停止營救。」案中多名內地被告，有年輕幹部、大學生、教授的子女。羅海星說，營救工作內地無名英雄出力更多，「係一次正義嘅非法活動。」91年底，時任英國首相馬卓安向中方要求釋放羅海星。92年他獲准保外就醫，到英國出席親人婚宴，馬卓安邀他到首相府見面。新華社「打小報告」，他的回鄉證即被沒收。05年，羅海星患白血病，終取回回鄉卡。「可能佢哋以為我就死得」。他撐得住，去年重踏京城，看奧運。「北京四周圍靚咗，但人嘅質素差咗、貧富懸殊嚴重咗、官僚越來越勁，好唔舒服。」
羅海星只參加過一次維園燭光集會。他說，是文革條件反射，很怕集會。但他感到「香港人好好，係中國嘅良心。」從前他對平反六四悲觀，今天卻另一番體會。他說，中國社會近年矛盾加劇，珠三角工廠倒閉，農民工飯碗不保，「一個政權到咗咁嘅地步，好快會有轉變。」本報記者