何超儀投資兼演出的《維多利亞壹號》在康城影展賣片花，其中一張以亂葬崗為主題的露點海報卻被發行商抽起，認為不夠殘暴，超儀對此有點激氣，反嘲他們不識貨，自己根本不恨入康城影展。
彭浩翔執導、何超儀、陳奕迅與麥浚龍主演的《維多利亞壹號》日前終於煞科，作為投資者，超儀對這部戲十分緊張，因為她要向老父何鴻燊交功課，因為錢是賭王拿出來支持女兒，所以她希望可以做出成績給父親看。為了增加影片聲勢，在康城影展舉行期間，購買了該片歐洲版權的發行商特別在攤位介紹這部戲，原本請夏永康拍攝一張她很喜歡的死人海報，準備在影展推出，但片商卻認為不夠殘暴，寧願選擇其他較血腥的劇照。
「老外唔識貨」
歐洲發行商不欣賞這張海報，超儀當然有些失望，她無奈地表示：「我係覺得夏永康個構思好正，有別於一般驚慄片嘅概念，所以我畀多少少錢搵佢搞張海報，我都覺得值嘅，但諗唔到班老外唔識貨，我都冇辦法，可能佢哋覺得唔係咁啱康城嘅風格！咁我呢張海報，又真係以香港口味為主，冇理到外國市場要啲乜，下次再拍戲時，我都會諗多啲外地觀眾口味。」
雖然這張海報在歐洲無緣面世，但超儀還是希望可以用這海報做宣傳，不過這張亂葬崗海報，有兩名內地女演員是半裸上陣，到時未知能否通過亞洲各地區的審查制度？超儀表示：「我諗有露點部份幾難可以獲得通過，單係香港已經冇可能會得。不過我聽到歐洲發行講，外地片商對呢部戲都反應幾好，外地傳媒都有報道過呢部戲，其實可以有咁好反應，已經好開心。」
採訪：葉雪