近期由於無綫劇集《巾幗梟雄》而大受歡迎嘅謝雪心，噚日接受商台錄音訪問，佢話係李添勝叫佢過無綫拍劇，對於獎項謝雪心就覺應該留番畀「柴九」（黎耀祥）同鄧萃雯攞。另外謝雪心由於趕拍另一新劇《宮心計》唔夠瞓，左眼就爆咗微絲血管。提到師傅白雪仙，謝雪心話每次見到師傅都堅持跪地斟茶行弟子之禮。