律師會噚日改選新一屆領導層，冇爆冷門，由加入理事會九年、曾任五年副會長嘅王桂壎當選新一屆會長，何君堯及葉禮德則分別當選為新一屆副會長。
王桂壎話上任後當務之急，係探索實際可行方法協助律師平安度過金融海嘯，積極推動香港事務律師進駐內地法律市場，藉以創造商機同改善艱難嘅營運環境，總之就飯碗為先，大家搵到食先係正經事，佢亦承諾竭力維護法治及律師專業核心價值。
王桂壎去年支持何君堯參選，挑戰角逐連任法律界議席嘅吳靄儀，有律師指王桂壎喺國際大行負責中國業務超過10年，在國內人脈廣博，熟悉各省市情況，係真正「中國通」，幫業界進軍內地冇難度。