長和系股東會，是主席李嘉誠每年公開評論公司業務及時事的場合。昨日他亦借此場合為自己「呻寃」，今次要澄清的，是他並非「大迷信」。事緣今年4月，《南華早報》指中環長江中心56樓租戶荷蘭駐港領事館，想舉辦荷蘭木屐展，順便替內地貧窮兒童籌款，但遭長江中心方面拒絕，理由是該展覽不適合在長江中心舉行，但領事館職員指，真正理由是屐屬鞋的一種，「鞋鞋聲」，大業主「唔鍾意」。
指長江中心設計無關風水
李嘉誠昨被問及該報道時表示，「呢個係激氣問題」，他是閱報才知這事，他指拒絕租場的同事「後生無經驗」，而最重要一點是，「我唔係一個研究風水嘅人，亦唔懂咩風水，冇使呢啲錢，所以呢，呢件嘢係唔明智嘅講法，係我地產公司一個冇經驗嘅同事求其噏出嚟，其實應該就咁應承佢」。李氏又強調，與荷蘭領事關係不錯，而這件事已經過去。
李嘉誠重申，「我唔係一個特別注重風水嘅人，公司又好，個人又好，我對風水冇話特別緊要去做」。他又自爆，指當年興建長江中心，是他自己決定將整棟大樓四個尖角削平，沒有人就此向他提供意見，亦非一些報道指是風水佈局，而附近所有業主與租客都非常喜歡這個設計。