張曼玉（Maggie）早前發高燒惹豬流感疑雲，已康復的她昨晚和男友精神奕奕現身展覽會。提到她客串昆頓塔倫天奴的電影卻慘被刪去全部戲份，Maggie透露得知被剪後，即時反應是「呀！係呀？」詫異兼愕然，但明白以電影為先，並說：「搞到部戲唔好睇，我都唔想。」
法國五月節活動、LouisVuitton有份主辦的「路易威登：創意情感」藝術展，昨晚在尖沙嘴香港藝術館舉行開幕酒會，LVMH大老闆BernardArnault、政務司司長唐英年等主持揭幕，LV藝術總監MarcJacobs、藝術家村上隆、RichardPrince都專程來港支持。
感冒自我隔離
一身LV套裝的Maggie和男友Ole拍拖到場，更和MarcJacobs有傾有講影合照，她之前在紐約回港，因感冒發高燒，惹來豬流感疑雲，缺席台灣活動。她昨日看來精神奕奕，心情也甚好：「好番喇，感冒嚟啫，我隔離咗4、5日，有即時睇醫生，初時有啲驚，所以即時test，唔去（台灣）嘅決定係好啲，唔知自己會唔會傳染人。」
曼玉為昆頓塔倫天奴（QuentinTarantino）客串的新片《InglouriousBasterds》，戲份完全被刪，Maggie說：「係呀，我有兩場戲都剪咗，以前都會發生，不過以前係做主角，剪極都有，今次就冇辦法啦。」失望嗎？她說：「我第一個反應都『呀，係咩？』，都明白電影為先，（唔剪）搞到部戲唔好睇，我都唔想，我都係玩嘅性質，同埋交朋友先拍，拍戲係一件開心事。」但外電有報道指Maggie演的戲院老闆娘一角，由MelanieLaurent飾演，Maggie有可能被臨時易角。
未有結婚打算
問Maggie同畢彼特（BradPitt）有冇對手戲？她笑住說：「好彩冇，如果係，就差啲喇！」Maggie表示未知與塔倫天奴還有沒有合作機會，自己暫時也沒戲拍，她說：「冇乜特別想拍，隨緣啦，每日都有唔同事發生，唔拍都唔緊要，我都未退休。」至於感情事，她強調男友未求婚，兩人都未有結婚打算。
採訪：LawWaiMan
攝影：EdwardChou
