第一批17個副局長、政治助理上任差不多一年，民調顯示市民當佢哋透明，幾乎冇人知道佢哋姓甚名誰，用卡片代替入息證明嘅阿蘇例外，公民黨余大狀噚日喺立法會上，質問政制及內地事務局局長林D9，呢班政治任命官員，過去一年究竟搞邊科。
求學不是求分數，林D9話做官不是求知名度，副局長同政治助理應該實事實辦，努力服務市民，如果為咗曝光而故意做騷，係本末倒置。佢又指過去半年來，副局長同政治助理已出席公開活動超過1,500次，副局長亦有出席立法會會議同開記者會，食物及衞生局副局長梁卓偉近排就頻頻開豬流感記招，不過佢承諾，會喺呢班官員任期中段評核各人表現。