好多品牌近幾年不繼研究環保零污染汽車，繼混能Hybrid之後，全電動汽車絕對係未來方向，好似早前日本品牌相繼與政府簽訂合作備忘錄，三菱代理更於近日將旗下部電動車交予政府研究㖭。可惜，大家即時想到嘅唔係政府有幾投入推動環保，反而係問會唔會浪費公帑、落實計劃有幾難、叉電問題等等。剛過去星期一，政府及中電合作研究充電設施終於推出實在議案，香港喺四個月後，會有首個停車場安裝充電設施，之後會陸續喺其他停車場安裝。但又有人跳出嚟話貴，個電池壽命得五年，換嚿電又要成5萬銀等等。各位，唔係魚與熊掌能兼得，大家已經嚴重破壞地球環境，浪費咗唔少資源，想環保又想要繼續享受科技帶來嘅方便，付出一點錢卻又要計較，究竟錢同環保邊樣重要啲呢？更何況預計電能車行100公里大約需要10元電費，單係油費都慳唔少喇！研究計劃仍然進行中，但唔該大家眼光放遠啲、心胸廣闊啲去思考未來問題啦！
記者：梁美甜