網站日前投選10位潮人，林海峰、麥浚龍（Juno）和何韻詩等均上榜，眾人昨日一同出席活動。Juno和鍾欣桐的感情撲朔迷離，早前兩人分手，但Juno一直沒有正面表態，堅稱大家是好朋友，但昨日Juno終於露口風，表示今年有很多工作，暫時不需要寄情拍拖，擺明表白目前是單身。
雅虎香港昨天於中環舉行記者會，宣佈早前於網上進行投票，選出了10位網民心目中的潮人，包括林海峰、黃偉文、玩具設計師MichaelLau、何韻詩、歐陽靖（MCJin）、方大同、麥浚龍、插畫師b.wing、導演彭浩翔和G.O.D創辦人楊志超。10人更捐出私人珍藏品拍賣，善款撥捐多間慈善機構。
仍然有聯絡
彭浩翔將印有鍾欣桐（阿嬌）的《公主復仇記》電影海報拍賣，Juno在台上忍不住也多望兩眼。問到他會否競投該海報，Juno說：「做慈善好多人做，同埋網民籌到嘅錢會大過我。」Juno與阿嬌的關係一直撲朔迷離，不過兩人早前分手，記者問他會否心靈空虛，他稱日前才到日本工作，之後參與電影及音樂會工作，沒空拍拖，他說：「我不知幾開心，心靈飽滿，之後我有好多嘢做，唔需要諗拍拖。」但他稱仍有跟阿嬌聯絡，二人保持友好關係。
另外，彭羚傳再懷孕，至於是否努力追仔，林海峰搞笑地說：「嚟緊9月有騷，遲啲先生。我努力交配中，上年年尾開始努力，未必一擊即中，睇創意排卵期。」作為爸爸會否效法劉鑾雄送千萬藍鑽給女兒，林海峰說：「我送沙或者粉。」
赴日見大導
此外，前晚平治於灣仔會展舉行新車派對，Juno都有出席，他計劃買車給媽咪，他說：「今次嚟係想睇車買畀媽咪，因為近期時裝方面發展得幾好。」他又透露剛由日本返港，原來此行到日本見製作《迷》、《職業特工隊3》的荷李活導演JJ艾布斯（JJAbrams），他說：「日前喺東京返嚟，返到嚟助手話唔舒服喉嚨痛，我即刻叫佢睇醫生。」阿嬌近日被內地封殺，問Juno可會擔心她的工作受阻，他回答說：「冇睇報道，我覺得佢好努力裝備自己，唔好理人哋點睇，佢好堅強。」
採訪：RachelWong、JessicaNgan
攝影：EdwardChou、MatthewLam
