朱茵去年接受《志雲飯局》訪問時自爆與圈中男演員發展地下情，但最後卻被她捉姦在床，日前朱茵接受林珊珊主持的節目時又再重提舊事，坦言前男友偷食的經歷令她經常發噩夢，當她自揭事件後才得到解脫。
朱茵和男友黃貫中（阿Paul）拍拖多年，感情一直穩定，雖然去年朱茵在接受《志雲飯局》訪問時自爆多年前曾與圈中一名男演員發展地下情，最後前男友竟被她捉姦在床，事件爆出後搞得滿城風雨，朱茵及時封口沒再回應。
對婚姻有信心
日前朱茵接受林珊珊主持的now香港台節目訪問時再次重提舊事，她坦言前男友的偷食事件令她大受影響，她說：「嗰段日子我一直都發噩夢，原來一段唔好嘅感情經歷造成嘅影響係因人而異，我因為一直冇講出嚟，所以就一直都發噩夢，反而講咗出嚟就係一種解脫，我講出嚟係想畀所有女性知道，感情路上跌跌碰碰係必然，只要唔好怕同埋唔好將眼前人當成最終一個就得。」
由於朱茵和阿Paul人前人後皆表現恩愛，但未有結婚打算，朱茵在節目內表示自己對婚姻有信心，但熱衷拍拖的自由感覺，她笑說：「其實我唔反對結婚，只係唔想做騷啫，而且阿Paul愛我一萬年都會嫌太少了，應該係愛我愛到世界終結時啦。」
撰文：林妃