楊秀惠同高鈞賢近日返內地拍攝電視劇《摘星之旅》，呢齣劇係內地同無綫合拍，楊秀惠飾演反叛女孩，男友好似車輪轉一樣。劇情講佢同其中一名男朋友有激情親熱戲，所以導演就問楊秀惠想同邊個合作，佢竟然唔搵緋聞男友孫耀威，仲要求同高鈞賢拍咀戲，佢話：「因為同高鈞賢好熟，而且又靚仔，所以咀嗰時都唔會尷尬。」