礦產資源概念股熱爆，相關股份異動，加上細價股綻放煙花般升浪，呢款熱鬧場面，對活躍散戶而言十分好炒，有一定股齡及實戰經驗的散戶若能貼市炒作，又懂控制入市注碼兼嚴守紀律，食正個勢要賺錢應該唔難。
馬達加斯加喺邊？未必人人都知。呢個非洲最大島嶼原來有石油，中聯石化（346）昨表示，集團與陝西延長石油及煤氣（003）三方共同投資合作勘探開發的馬達加斯加「3113油田」已進入重要階段，在打井採油相關工程設施完成安裝後，日前「3113油田」3號井內成功開鑽。
呢單消息一出，即時刺激中聯石化股價爆上，以大成交急升17.3%，高收0.95元，突破近兩個多月橫行悶局。以該股走勢判斷，升勢應有餘未盡，短線將上衝1.20元範圍，伺機追入，以0.85元止蝕。
中能望多兩眼
另一隻中能（228）昨日升9%，收報0.48元，該股近日走勢強勁，有傳聞集團涉足的天然氣項目已獲商務部批准，公司亦將改名以切合業務轉型，不妨望多兩眼。
方星俠