花旗股市冇乜方向感，A股又窄幅偏軟，噚日港股反覆下跌68點，報收17475全日波幅好窄。個市靠隻滙控（005）撐住，要睇實佢嘅走勢。
滙豐銀行噚日突然宣佈將港元儲蓄利率減至0.001%，10萬元存款之前1年收10元息，家收1元，冇乜分別，對股市唔會有影響，不過有可能刺激一啲人諗吓買樓收租。
中交建C輪16168：中交建（1800）昨收10.46元，升0.77%，連續第2日企喺250日線樓上收市，炒上睇13.60元，可以諗吓隻C輪16168。
隻輪現價21.2仙，2009年12月28日到期，行使價10.93元，溢價24.7%，引伸波幅70.3%，槓桿率4.9倍（有效2.8倍），正股升上13.60元，16168有機升1倍，見42.4仙，正股跌穿9.70元，就沽咗隻輪止蝕。
俊樺