昨日無綫請員工食無情雞，再度派大信封，約百多名員工遭裁員。昨日無綫在尖沙嘴舉行《萬眾同心公益金》記者會，出席者有鄭裕玲（嘟嘟）、湯盈盈、陳敏之等人。
望開新位請舊人
湯盈盈對裁員一事說：「Badnews，不過好似話會開番200個新職位，希望用番佢哋，我都未知有冇識得嘅人受影響。」陳敏之謂裁員詳情不清楚，但所知公司是成立新部門，希望能再聘請他們。
嘟嘟說：「咁梗有啲唔開心啦！但係又冇辦法，整體經濟唔好，我喺無綫30年，呢啲唔係好消息，希望唔一定裁員先解決到，真係好可惜。」此外，新婚汪明荃稍後會宴請至八會吃飯，嘟嘟笑言會中成員有很多可以嫁但卻不肯嫁，正如她自己仍在尋覓真愛中，不過如今一個人也生活開心。
採訪：何慧斯
攝影：陳志嵐