有YouTube真好，即刻睇聽本地自主獨立樂隊mylittleairport那首諷刺特首的DonaldTsang,pleasedie。《明報》訪問原作者阿Ｐ，真人上鏡，絕無打格，跟在網上熱烈議論時事但不敢冒頭的那些憤青式自由評論員很不同。這個阿Ｐ，令我對本地後生回復了信心，以後，假如有人跟我講，香港年青人淨係精叻搵銀，我同意。淨係想做Ａ貨林瑞麟，我同意。淨係想有樣學樣getthejobdone，我同意。淨係八卦小甜甜遺產官司而懶理六四，我……可以補充，兩者並無衝突，關心六四，開到口叫曾特首「去死」的，都有聽眾粉絲。
Pleasedie，請字頭，叫做客氣。後生可畏，態度唔曳。如果長毛叫曾特首去死，會xyz好多。年青人問當奴曾（果真是貼切的名字啊，當奴！），Whenwillyoubefired？問他今日被人斬了手，二十年後那人發達做了特首，你就因為佢咁掂，叫自己和隻手不追究？OK，我諗當奴曾肯制，甚至回答年輕人，客觀一點睇，個人冇一隻手，整體則人人有一手，又何必執着二十年前一件叫做風波的事幹。冇隻手，閒事，冇個肺，冇得頂，更佳。冇腦？幹！下屆特首實有你份！冇屎忽呢又點睇？Well，問吓人大代就知，保證永不洩漏國家機密囉。唉，poorguy當奴曾，除了die，please揩，揩乾淨它，別揦屎上身。