【上海直擊】劉嘉玲及蔡卓妍（阿Sa）昨日在上海為SwarovskiCrystallized旗艦店擔任剪綵嘉賓，嘉玲一早抵達，後輩阿Sa竟遲到。嘉玲再次重申懷孕一事順其自然，開玩笑指已向上天填表申請，並指作為女人應享受懷孕過程，不會效法李嘉欣找代母。
劉嘉玲及蔡卓妍昨日盛裝出席上海SwarovskiCrystallized旗艦店開幕，兩人與品牌始創人的玄孫MarkusLanges一同主持剪綵，3年未有拍戲的嘉玲，落實在徐克新片《狄仁傑之通天帝國》中飾演武則天，她笑言十分期待，並透露已開始學騎馬，問她需要增磅還是減肥配合角色，她說：「我想減少少，不過導演就唔想我減，武則天應該係豐滿圓潤啲，我會尊重導演。」
「有咗照拍戲」
記者指關之琳曾說拍戲太辛苦，寧願多賺拍廣告剪綵等舒服錢，嘉玲說：「拍戲就一定辛苦㗎啦，不過又有另一種滿足感，每個人追求嘅嘢唔同。」問她是否接了《狄》片所以會押後懷孕大計，她說：「都係順其自然，如果有咗我都會照拍㗎，不過我已經同個天申請想要（BB），填咗報名表㗎啦。」會否像李嘉欣般有意找代母？嘉玲說：「唔會，我希望好好享受懷孕嘅過程。」
阿Sa遲大到
記者告之阿Sa，嘉玲比她早到40分鐘，她即時「嘩」了一聲，問到中基巨基的是非，中基開聲指傳將簽約英皇的巨基是是非精，問阿Sa是否手背是肉、手心又是肉很難做？她笑說：「我唔想做架樑呀，人哋嘅事我唔理亦唔會干擾。」
採訪：FayeLam