港姐出路多，01年港姐冠軍楊思琦同季軍朱凱婷卸任後留在娛樂圈發展，亞軍鍾沛枝Gigi唔做港姐後，轉行做空姐，家喺國泰做，負責登機閘口工作，最新一期《國泰天地》報道佢最新動向，Gigi話自細就渴望着空姐制服，家陣如願以償，十分自豪，雖然佢卸任多年，竟然仲有人認得佢係過氣港姐！
Gigi參選時報稱係船務助理，志向係做成功商業女性，佢當選後曾喺娛樂圈發展五年，可能見星運平平，乾脆轉行，向成功商業女性呢個志願進發。根據當年紀錄，Gigi最喜愛港姐係袁靚靚，最滿意自己小腿，當時話最想去南非旅遊，喺航空公司工作，想去邊都更方便啦。