吳君如與古天樂主演的《家有囍事2009》成為今年賀歲冠軍片後，東方電影準備原班人馬再下一城，正密鑼緊鼓籌備明年的《花田囍事2010》，監製黃百鳴更打算加入蔡卓妍（阿Sa）與鄭中基這對情侶再合作。
鄭中基與蔡卓妍04年因為合作《追擊八月十五》而擦出愛火花，之後兩人已經沒有再合作拍戲，但感情就越來越穩定，東方電影公司計劃找谷德昭執導古裝版的《花田囍事2010》，有意撮合這對情侶再度合作，拍賀歲片，戲中還打算安排兩人做情侶，據知男方已答應，女方就要等待英皇首肯。
合唔合作也成焦點
為了增加影片熱鬧氣氛，監製黃百鳴準備在《花》片加入更多有份量演員，出爐影帝張家輝與熊黛林也是被邀之列，由於影片演員眾多，單是演員費就超過1,000萬港元，記者昨日向黃百鳴求證，他表示：「公司今年的確會籌拍一部古裝賀歲喜劇，但卡士仲未落實，所以我家唔可以透露有乜嘢卡士演出，相信一個星期之後就可以明確啦！」
鄭中基昨日接受電話訪問說：「我係初步傾過會拍呢套戲，我本身都好鍾意拍賀歲片，又熱鬧又開心，而且同《家有囍事》班演員都合作得好好。」問到是否與阿Sa合作，他謂：「咁我又冇聽過話搵佢喎，需要合作我都唔介意嘅，做嘢還做嘢呀嘛。」不怕焦點落在二人的情侶關係上嗎？鄭中基說：「無論我哋合唔合作，啲焦點都喺嗰度㗎啦，但當初傾時真係冇講過有佢，所以詳細嘅嘢都係等公司去傾。」
開工愉快似去Party
身在橫店演出《大內密探零零狗》的古天樂昨日接受訪問時則說：「黃百鳴的確傾我演出賀歲片，我同佢公司關係幾好，同佢哋都合作得幾開心，接演《家有囍事2009》時，我同君如、百鳴同鄭中基都合作得幾開心，大家開工時有講有笑，氣氛真係似去開party多過做嘢。我都幾鍾意拍呢類賀歲片，之前拍得太多太沉重嘅戲。」
採訪：葉雪