模界一姐周汶錡（Kathy）近日忙於與醫學教授莫樹錦拍攝無綫健康飲食節目《咁至識食》，身為扮靚專家的她不敢怠慢，實行全天候裝備自己。日前Kathy到代言的Bella皮膚護理中心，率先試了最新具激活細胞功能的幹細胞重建科技的面部護理，以及激光永久脫毛療程，她笑言要擊退眼部細紋和謝絕雙下巴。
幹細胞重建科技Facial？
幹細胞原液（StemBooster）含有氨基酸，三胜肽及六胜肽的化學成份，療程中，幹細胞原液經過美容科學儀器的破壁科技，直接導入面部皮膚的細胞核，激活體內生長因子，復原受損細胞，以防色斑、皺紋及改善鬆弛和暗啞等美容問題。
Kathy點解要做？
「拍電視成日大頭closeup，頸、眼紋、毛孔同下巴位都要好注意，笑到有雙下巴點算，要勤做facial，呢個stembooster可以提升輪廓（lifting），面龐都會firm啲，細紋、雀斑都有顯著改善情況，令到皮膚狀態最弗，皮膚唔好，化幾靚嘅妝都會有瑕疵。」
激光脫毛？
Bella採用的激光脫毛是以選擇性熱分解原理，利用理想波長的激光，以脈衝式的激光槍沿着毛髮，經黑色素直達毛囊，停止毛髮生長，過程中，透過備有獨有藍寶石冷凍晶片的激光儀器，能同步輸出激光及進行冷凍效果，維持在冷凍恒溫的4度設定，紓緩過程中的不適及痛楚，同時避免敏感及燒焦情況。
療程後，脫毛部位要細心護理，首先會以活氧噴霧恢復生氣，之後會再搽上蘆薈精華gel紓緩，美容顧問更提議脫毛後3日，可於家中自行磨砂令毛髮自然脫落。
Kathy點解要脫？
「冇毛髮化妝可以貼面上粉，有時影珠寶硬照，又會影到手毛，makesure到手腳都光滑，又唔會有剃毛器、蠟等用具，以及黑色素等問題困擾。」
扮靚內功
扮靚成精的Kathy，表示飲食健康是內在美的根源，她笑說：「自己唔信餐單，不過主攻好多collagen成份嘅食物，好似雪耳、豬腳、雞腳等膠質食物，湯水充足，仲有自己會食好多海草，同埋夜晚嗰餐會盡量食少啲碳水化合物食物。」Kathy更訓練自己早起床曬太陽的習慣，她說：「醫生話曬太陽可以殺菌，大概曬10分鐘就好足夠。」
採訪：RitaLeung
攝影：ChanChiLam
場地提供：Bella皮膚護理中心（中環新世界大廈一期）