羽翹噚日去紅磡新城電台接受訪問，宣傳新歌《港大女生》，佢話呢首歌係為港女平反，佢話：「啲人成日覺得港女挑剔、拜金，其實好多係有思想同聰明，知道自己嘅目標；反而啲港男就算30幾歲都淨係識打機。」佢話曾經有一個心儀嘅男士，同佢去過一次街之後，發覺個男士居然對未來冇計劃，所以即刻將佢列入黑名單。