一樣米養百樣人，真係無講錯，早前已經喺欄中提過，香港高速公路最右係快線，應該只係切線爬頭至會用到，否則一般情況之下都應該靠左行。係，好多人行高速時都鍾意行快線，尤其係繁忙時間，因為啲車去得快，行得無咁慢，之但係遇着交通暢順甚至喺馬路上根本無乜車時，就無理由Keep住行快線！最過份係Keep住行不特止，仲要係Keep住慢，搞到後面啲車好似砌車咁，Cut來Cut去。咪話大姨媽唔提提大家，若然高速公路中、慢線無乜車，喺非切線爬頭嘅情況下Keep住行快線嘅話，警方有權檢控你㗎，我已經唔止一次聽到友人被交警「炸」過喇！當然，你荷包鬆動唔旨在，又唔怕其他司機歧視嘅話，亦無話可說。
文：大姨媽