八方早前預告，中大校長劉遵義臨別秋波，向民主派伸出橄欖枝，頒授榮譽院士銜畀民主黨張文光同公民黨關信基。噚日中大舉行頒授儀式，張文致辭時不忘宣揚民主，話佢入中大時，正值70年代學運火紅日子，從中文運動、保釣運動、認中關社到金禧事件，學運薪火相傳，培育咗一代代有理想有承擔嘅中大人。
佢又話，香港最大優勢係人才同制度，但要成為中港教育樞紐同國際人才中心，仲要視乎香港能唔能夠喺自由、法治同廉政嘅基礎上，建立一個民主普選嘅制度。講到最後，張文難免想當年，話畢業30年後重返母校，最懷緬係當年同家嘅太太喺校園執松果嘅青葱歲月。