世紀大流感似乎真係無處不在，連日本咁乾淨的國家，一日都出現八十幾宗，唔驚就假。一般散戶會點做？多數沽貨咯，但最弊好多時沽完後悔。
今次股海升浪星俠一直強調，如果全球股市只得香港自己係咁升，其他股市猛跌的話，股友可以話係香港股市太細，資金一到即可舞上去，但問題係全球股市都當豬流感冇到，再次凸顯今次升市唔係咁簡單。
旅業股呢輪都算交到功課，好似香港中旅（308）本月初一度急升至1.93元，之後股價雖見調整，但一直企於50日線之上，昨日該股微跌0.01元，收報1.75元，惟形態上以旗形整固，後市如見破旗而上，目標上望2.30元。短線可伺機追入，失守1.55元止蝕。
上望2.30元
中旅管理層表示，集團的旅遊產業一定會以上市公司作旗艦。管理層之言令人頗多暇想，事關中旅母公司仍在重組，自然會將旅遊業部份「做大做強」，相信未來注資唔會停之外，仲會加快分拆酒店業務及「芒果網」上市，大把潛在誘因讓人憧憬。
方星俠