趙世曾前晚與幼子趙式正（Roman）一同到灣仔欣賞音樂劇《Cats》的首演，他謂有教兒子追女仔，並且着他35歲才考慮結婚。談到風水，他指自己不信，因他相信一個人最緊要是及時行樂，人生在世應盡量享受happy。
闊別香港15年的著名音樂劇《Cats》前晚再度在香港演出，吸引城中名人到灣仔演藝學院欣賞，包括趙世曾、女兒趙式芝、幼子趙式正、雷兆光及王敏德一家、葉童、薛凱琪、鄭融和諸葛梓岐等。
「追女要有啲手段」
趙世曾與TerriHolladay所生的兒子趙式正一同到場，現年16歲的Roman乖乖地站在父親身旁接受訪問，記者問趙世曾兒子Roman有否遺傳到其花心性格，他說：「佢成日問我點追女仔，都有教佢兩手。」
問到Roman是否以錢搞掂？趙世曾說：「佢咁後生，使乜用錢，追女仔要有啲手段，我叫佢花心啲，35歲先考慮結婚。」不過Roman則大唱反調說：「我尊重我父親，不過我只會onepersononerelationship（單對單）。」問趙世曾是否信風水，他說：「我唔信風水，冇呢啲嘢，一個人死咗就finish，在世要盡量享受happy，死咗就乜都冇，千祈唔好信風水。」
Rosemary降Cup
此外，葉童前晚帶傷上陣，穿上拖鞋出席首演，她說：「我之前拍劇時行樓梯唔小心拗傷對腳，好彩冇傷到腰骨，家要着拖鞋開工。」同場的Rosemary身材比以前更弗，不過上圍則失色了，她說：「我家日日跑步，好似上咗癮，其實我體重冇變，不過脂肪比例得百分之十五，我冇特別度過上圍，可能細咗少少。」
採訪：JessicaNgan
攝影：ChanChiLam