考牌人士第一關，就係先過20題筆試，內容全部喺運輸署本《道路交通安全守則》搵到，睇晒唔難，但100%咁將圖標、守則全部記入腦就幾蝦人。
雖然大部份問題都好CommonSense，但有啲問題真係好冷門，如問你起碼要幾多歲先坐得電單車後座？根本無得估。駕駛學院呢個網上模擬筆試，可以俾你當係預習熱身，又可以考吓自己守則讀得熟唔熟。
輸入個號碼，就可以入去玩。20條選擇題由電腦隨機抽出，20分鐘內答啱16題就算及格。
筆者闊別筆試已經11年，結果同當年一樣錯兩題，勉強算及格，得閒玩吓當溫故知新都好吖！
記者：徐影龍
網址：http://www.hksm.com.hk/courses_5.php