吳卓羲同陳敏之（左）噚日到荃灣宣傳「TVBuddy同學會大招募」，仲拎住佢哋有份設計嘅作品現身，雖然唔係佢哋親手製造，但小朋友見到偶像出現都唔理得咁多，表現得好開心。吳卓羲有份主演嘅劇集《巾幗梟雄》口碑叫好，但焦點似乎落咗喺鄧萃雯同黎耀祥身上，吳卓羲話：「相比雯女我仲係新人，每個演員都有自己位置，所以絕對唔會失望。」