前日旺角發生狂徒投擲兩個鏹水彈落街，造成30人受傷，詹瑞文（詹sir）昨日深入西洋菜街行人專用區「險地」，發放正能量呼籲香港人對抗逆境之餘，更以大聲公挑戰狂徒大叫「打倒亂掟嘢，嗰個人唔好再掟嘢」。
詹瑞文跟一班支持者約30多人昨日去到旺角西洋菜街行人專用區進行「5.17笑能量大步行」遊行，更為7月舉行的「笑能量走音唱Gag會2009」宣傳，而「心晴行動」基金顧問、林建明夫婿曾展章亦有到場支持。在5分鐘的遊行中詹Sir一行眾人舉起打氣牌，團結港人面對疫症及逆境，詹Sir更手提大聲公向前日在旺角投擲鏹水彈的狂徒挑戰，大叫「打倒亂掟嘢，嗰個人唔好再掟嘢」的口號。
未與特首相遇
雖然前日狂徒掟鏹水彈的位置昨日仍未解封，詹Sir遊行的路段卻接近上一次狂徒掟鏹水彈的位置，記者問他有否擔心會刺激到狂徒掟彈報復時？他說：「香港係唔驚得咁多，危險事交畀警方處理，今日天氣好好，除非不停飛樽，唔係都會繼續行落去。」他表示知道鏹水彈事件後，都沒有想過放棄，他們有信心會安全行完，希望大家感受到他們的決心。
另外，提及特首曾蔭權早上亦有到西洋菜街視察，詹Sir笑說：「所以我都嚟，但就唔記得帶用嚟扮佢嘅假髮。」他補充說：「應該要嚟體察民情啦，我都嚟體察，佢冇理由唔嚟，呢啲係指定動作應該要做嘅，不過我到佢都走咗，如果唔係去同佢握手，或者叫佢一齊嚟支持。」
此外，詹Sir表示早前跟一服裝品牌合作推出T恤，兩個月已賣了8萬多件，現在有意在內地及美加推出。
採訪：何永寧
攝影：葉君海