有線主播區永權（Albert）前日結束王老五生涯，和拍拖多年的女友Clara拉埋天窗，晚上在四季酒店舉行婚宴，到場嘉賓有吳君如、Soler、肥媽瑪利亞、徐小明夫婦、郭富城經理人小美等，而城城和謝霆鋒則送上祝賀片段給新人。其中原本在橫店拍戲而未能到場的吳君如，在新人台上講話後突然出現，她笑說自己在片場不停催王晶快些完工，結果才趕得及來祝賀Albert。
「勤力啲入房就得」
之後眾嘉賓上台祝賀新人，其中肥媽催促Albert快些生BB，最少也要生三個，又笑言兩人一有時間就入房。吳君如則表示：「如果想生仔，男人唔食咁多肉，女人食多啲菜。雖然叫人生仔，一句努力啲好似好行貨，但真係好有用，肥媽講嘅係金石良言，勤力啲，係咁入房就得。」Albert反問她是否和陳可辛很勤力，她笑稱：「我哋好懶。」
採訪：魯萍
攝影：陳順禎