阿Sa（蔡卓妍）和曾志偉昨日為《櫻桃小丸子之灰姑娘》音樂劇乘坐露天巴士宣傳，阿Sa和志偉將分別聲演小丸子和爺爺。阿Sa之後又到銅鑼灣派宣傳品，其間有攝影發燒友與保安爭執。有指謝霆鋒助手將組成新公司力捧謝婷婷做打女，阿Sa說：「係先算啦，之前同霆鋒拍完廣告，不過唔問啦，我不嬲都唔理人。」提到旺角的「鏹水彈」事件，阿Sa說：「我朋友舊年嗰次都濺中咗，好彩有水即刻冲，但係件衫就穿晒。」志偉則說：「啲人shortshort哋，都唔知諗乜嘢，但都冇辦法，唔通唔出街咩？」
志偉食死貓
提到關淑怡否認兒子是志偉骨肉，志偉說：「食咁多年死貓都麻木啦，我二女都問我大女，點解有個8歲細佬都唔知。見過又唔傳，未見過就傳咁耐，佢（關淑怡）每次都打畀我，話幫我澄清好唔好，我話唔使啦，點知就傳足咁多年。」問到可知經手人是誰，他故弄玄虛說：「8年後可能佢會講其實個仔真係志偉嘅。」
採訪：藍文浩
攝影：陳順禎