德甲嘅哈化同拜仁上周六分別爆冷和波，造就5:0大勝漢諾威嘅榜首球隊禾夫斯堡，以兩分領先次席嘅拜仁同第3位嘅史特加。馬會足智彩亦將禾夫斯堡奪冠賠率調熱至1.1倍，無他嘅，鬼叫「狼堡」得失球差領先對手7球同14球咩，掂硬喇！「狼堡」聯賽煞科戰將對不來梅，有聯賽分別入25同26球嘅前鋒迪施高同加菲迪，贏少過3球都當輸！拜仁最後一場就同史特加硬碰，分分鐘和波一齊香㖭！