華華真係估唔到，到處留糞呢個習慣，居然有人做。
前美林dotcom時代超級分析員HenryBlodget做總編輯嘅財經新聞網站clusterstock.com爆料話，上星期五有人喺美林紐約總部大廈5樓同7樓梯間，留咗堆「人造金」。
如果純屬個別事件，華華唔會多講，不過原來美林總部已經唔係第一次出現同類事件。
早有前科非首次
早喺08年初，就有人喺美林債券業務部嘅廁所地下，屙咗篤便便。傳聞係有位股票部同事，因知債券部07年輸次按，輸到自己股票部都冇花紅，所以嚟次冇聲抗議。
今次再傳出同類事件，大家當然關注。美林發言人被問及傳聞時答：「有呢件事發生過咩？我地冇comments。」Nocomments？即係唔否認啦！