終審法院首席法官李國能噚日委任林孟達、楊家雄同NicholasJamesCooney為資深大律師，今年共有八人申請做資深大狀，結果三人takesilk，連埋呢三位新鮮出爐資深大律師，香港現有85個執業資深大狀。
同舊年比較，今年申請做資深大狀人數略減，去年有14個申請，五人獲批，有法律界人士話，申請數字下跌同經濟差關係不大，雖然一般而言資深大狀可以收貴啲，但是否想做資深大狀主要睇個人意願。
有人話觀察到近年獲委為資深大狀者，有中方公職或同中方關係密切者唔多，可能因為委任前司法機構要諮詢法官同大律師公會意見，好彩takesilk後染紅都未遲。