走進516平方呎的半山住宅，眼見傢俬及裝修都美輪美奐兼充滿品味，暗自盤算：一定使咗好多錢先有咁嘅百萬豪裝效果。但室內設計師Linda就搶住話：「裝修連傢俬只係花咗40萬！」想知點樣可以以平傢俬扮貴格嘢，咁就要請教Linda喺邊度掃至抵貨！
記者：蘇麗珊
攝影：林栢鈞、伍慶泉
Model：Winnie（StageModel）
鳴謝：Linda（97774363）
燈光製格調
看過Linda設計單位的朋友也應知她最愛以OpenKitchen打造廚房，今次當然不例外。「今次我將原來的浴室位置完全拆掉，再打造成OpenKitchen。」這樣一改令廚房成了全屋的中心位置，而且擺設及裝潢獨特，亦使OpenKitchen驟變為整間屋的焦點。「由於屋主要求一定要有餐桌，我就將雲石餐桌放於廚房前，並製造小Bar枱的感覺。」Linda謂燈光可以營造整間屋的格調，所以她全屋的燈均用上本地ElementLighting店樣靚兼實惠的產品。
有款平價廚具
OpenKitchen除以燈光及Bar枱突出整間屋的格調外，就連廚房的用具亦感覺貴氣。Linda續說：「很多人選用水龍頭或抽油煙機不會格價或選款，甚至只顧及實用，查實這類廚具亦可以價錢相宜兼具外在美。」設計師則推介位於威靈頓街的水喉工程店，更揚言抵買程度超越灣仔駱克道一帶，因此，將要裝修的朋友就要行多幾步格吓價。至於主人房方面，則以木、暖色為主題，地板、床背板均以木打造，房間同樣選用兩盞ElementLighting燈飾，銀色燈罩營造高雅的格調。
教你粉絲扮魚翅
舢舨扮遊艇，Linda教路：「深圳展藝中心可執筍貨，不論買多少郵費都只百多元。」另推介中環威靈頓街、鴨巴甸街等一帶的小店及直銷中心。
禾稈冚珍珠
寶華傢俬的外表如一般木家具店，但內進便找到有設計，才盛惠幾百的Bar凳。
寶華傢俬（25448897）
中環鴨巴甸街18號C地下
平賣水龍頭
開業6年的浩明所出售的水龍頭款式不斷推陳出新，如近來流行鋪砂色的銅製產品亦以相宜價格出售。
浩明水喉潔具工程（28157200）
中環威靈頓街170號地下
型格燈飾
Linda經常到ElementLighting買燈，雖非一級便宜，但算實惠，款多兼獨特、街外少見。
ElementLightingDesign（25737772）
灣仔摩理臣山道48號地下
