黎耀祥昨日於觀塘為四川賑災義賣籌款，對於有消息指他於TVB兩年內已進賬千萬元，他說：「邊有咁多！喺TVB攞到幾百萬都唔容易喇，可信性好低，不過我家都好滿足，目前都好穩定。」
問祥仔可有考慮重返電影市場？他說：「唔想！電影以前都拍過，都算見識過，我好開心拍電視，好有滿足感。」
杏兒羨慕林峯
此外，胡杏兒昨日於尖沙嘴參與樂施會義賣活動，她落力地拿着錢箱向遊人募捐，反應尚算熱烈。其中一名男士捐款後，即要求跟她合照才肯離開。由於現場人流多，問她可擔心被博懵？她說：「唔怕，今日有好多fans支持，佢哋講咗會保護我。」對於林峯將於紅館開騷，杏兒表示羨慕，但她未有足夠歌曲開騷。有人提議她可與緋聞男友黃宗澤合作開騷，但她說：「唱歌係好個人嘅，一個人開先開心啲威啲，除非係TVB群星騷。」
採訪、攝影：王連連、王崇穎