周汶錡和諸葛梓岐（Marie）等前晚出席時裝品牌Escada在中環置地店舉行的09初秋及2010早春系列活動，周汶錡着上價值超過10萬元寶石裙亮相，同場還有《青苔》女主角冼色麗和03年華裔小姐冠軍RachelTan等。
諸葛梓岐則示範秋冬妝容，她一見記者就抱怨，指雜誌寫她講大話，並謂她並非諸葛亮後人，Marie說：「有啲唔開心，我生出嚟就係姓諸葛，冇得揀，我嘅身份證同護照全部都係。我爹哋都係姓諸葛，族譜一定有寫，但山東人重男輕女，我係女仔就唔一定有寫落去。」
周汶錡拒上房
近日有不出名的o靚模自爆簽約卻被上房，周汶錡即質疑說：「點解做嘢要做到跟人上房先？有commonsense都唔會咁啦，我EQ咁高，一定reject。如果我有咁多廣告合約，咪要跟人上酒店好多次？」談到她經常被指去飯局，她即說：「簽約還簽約，食飯還食飯，正規公司簽約時，一定有律師或第三者在場。」
採訪：梁錦雯
攝影：陳志嵐
