金融海嘯冲擊下，電視台廣告收入減少，惟有開源節流，連無綫一年一度選美盛事「香港小姐競選」也大受影響。據悉無綫因為贊助減少及慳皮關係，今年入圍港姐人數不但由原來12個減到10個，更取消入圍前的淘汰賽，令開支方面省回一筆。
無綫自04年將香港小姐競選準決賽和決賽合而為一後，候選佳麗人數也由原來24位減至16位，至去年候選佳麗更減至12個。不過自取消準決賽後，仍有以淘汰賽形式增加可觀性，但今年卻因金融海嘯影響，贊助商縮皮，無綫惟有取消淘汰賽及將候選佳麗減剩10個來開源節流，即港姐面試後連計海外佳麗，合共10位佳麗參與角逐。
聲稱配合節目
記者昨日就此事向港姐統籌經理陳家揚了解，他承認今年候選佳麗可能減到10位，並取消過往淘汰賽，但強調與慳皮無關，陳家揚說：「完全冇關係㗎，只係減咗兩個，又唔係減一半，我哋咁做只係為咗配合一系列節目，覺得10個人會流暢啲，喺節目設計上會舒服啲。不過，呢個只係初步構思，我哋都要睇晒佳麗面試後先至落實。」
下周首輪面試
港姐將於8月22日假紅館舉行，下周三傍晚時分在尖東香格里拉酒店舉行第一輪面試。由於港姐冠軍張舒雅詐病推job，未有好好履行港姐義務，無綫已決定港姐競選當晚踢張舒雅出局，另覓人選為冠軍加冕。
採訪：林妃
