木村拓哉喺5月尾有套叫《MR.BRAIN》嘅新劇，但未出街就俾人插到暈，批評套劇係抄《神探伽利略》，話佢個角色同喺《神》劇中，福山雅治飾演嘅湯川學一樣，都係用科學去偵破一啲離奇案件，仲話佢同女主角綾瀨遙點唔襯。我有睇過《神探伽利略》，真係好好睇，男女主角福山雅治同埋柴崎幸好有火花，連配角北村一輝都好搶鏡。但好嘢唔怕俾人抄，只要抄得到好，隨時可以有好嘢出嚟。
英超今晚有可能定出盟主，只要曼聯主場對阿仙奴唔輸，就可以第11次攞英超錦標。曼聯對上兩次對阿仙奴，半場都可以入到波，加上阿仙奴喺歐聯4強出局後，班波好似冇晒，所以呢場推介曼聯[半勝]畀大家。
半場主客和：曼聯[半勝]
心得：兵工廠有心無力
近5場往績：WWWDW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。