「最受歡迎男歌星」醞釀跳槽時，不過傳聞唔想背叛一手捧紅佢嘅「柏高」，就話因為柏高被「龍咁威」老竇削權，想捧「龍咁威」做CEO，先至去跳槽，如今落實埋「英」記埠；「龍咁威」一向真性情，即刻企出嚟澄清，連「七友」都話好嚟好去咪好，點解去搞咁多花臣。
睇咁多年波，對轉會、跳槽都見慣晒，比利、馬勒當拿、施丹呢啲球王，都唔止打過一間球會，一樣無損佢哋嘅地位；當然一生只效力一球會，就有另一份忠誠感，好似曼聯嘅傑斯、AC米蘭嘅馬甸尼。京治由青訓到家一直效力熱刺，雖然近年飽受傷患，都冇影響佢隊長地位；雖然今仗未必出得，但信隊友會合力打低曼城，爭番個歐洲賽資格。
推介：熱刺勝
心得：熱刺往績食住曼城
近5場往績：WLLDW
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！