古巨基近日的續約問題鬧得滿城風雨，有指基仔離開金牌大風是因不滿鄭東漢為捧兒子鄭中基做公司CEO，將黃柏高（Paco）調離經理人及唱片部，故基仔決定不續約，以洗刷忘本形象。消息傳出後Paco曾公然表示自己調職與基仔去留沒關係，更謂基仔過檔會感到十分失望。
商台節目主持人查小欣昨日在節目中，大爆古巨基的緋聞助手女友Lorraine曾致電給她，她說：「早幾日基仔個得力助手Lorraine喊住咁打嚟求救問點算，話家周身箭，點算喎。我叫佢哋快啲出嚟講嘢，但佢哋又唔講，做嘢真係慢，總之有早知冇乞兒啦！」
另一方面，基仔接受昨日播出的無綫節目《東張西望》訪問時，則承認會離開金牌大風，他表示多年來合約問題都是與Paco接洽，他神色凝重地說：「我三次同金牌傾合約都係同Paco傾，今次佢調離呢個部門，即係同我傾合約嘅對口人冇咗，我續約其中一個考慮條件就係合作夥伴。總之咁多次價錢都係Paco話幾多就幾多，我冇還過價，同埋我冇主動出去搵其他公司。」
遊日避是非
基仔又強調與Paco仍是好朋友，他說：「我可以大大聲好肯定講同Paco係好好朋友，我理解佢家處境，總之在心中。」整個訪問過程中，無綫總經理陳志雲都在場，最後他問基仔是以2,000萬還是賤價過檔英皇時，基仔笑說：「我私底下靜雞雞話你知。」據悉基仔與Lorraine昨日已啟程到日本旅行散心，約5日後才返港。
撰文：王連連