記得曾經訪問一位媽媽，指香港的兒童畫室只是讓小孩子模仿作品，毫無創意，唔學好過學。這天因為要訪問於埃及政府舉辦的國際美術比賽「世界兒童眼中的埃及」奪金的三名得獎者，順道看他們上堂，發現由題材到繪畫形式，皆任意由同學自己發揮，老師吳炫樺道破獲獎關鍵：「藝術最緊要自然，學畫想佢哋學到悟性及畫理。」
記者：林佩婷
攝影：陳陶鈞
等待兩年的結果
這次由埃及政府舉辦的世界性比賽已是第16屆，是次全球42個國家共5,000多位學生參加，中國戰績彪炳，有8件作品奪金，其中7件皆由香港的吳氏藝苑學生獲得，另外還有8位同學得銀獎。吳氏藝苑獲教育署邀請，兩年前總共交了110幅畫參賽，想不到比賽足足要等兩年至最近才揭曉！老師吳炫樺指，藝苑以一對一教學，因材施教，甚至沒特定目標，理由是不想強迫學生，最緊要是畫得開心快樂。「好多人都話小朋友應該學素描、基本技巧等，但我覺得學習無特定規限，最重要學到悟性同對畫嘅理解。」
Nicole
擅畫迷你形態
10歲的Nicole擅長畫Detail位。她這次的畫作是不同埃及人的生活細節，全畫以金色為主，每個埃及人動作都不同，當完成後吳松老師斷言她必定得獎。「佢幅畫緊扣主題，構圖豐富，色彩柔和之餘又有兒童畫趣味，最重要係整個畫面有強烈現代感。」可惜的是，是次得獎作品，真蹟留在埃及，副本於搬家時不慎遺失了。但看到她其他的作品，同樣喜愛描繪人物細緻表情動作，就連一隻普通卡通狗，都有不同的形態。
Ariel
最細得獎者
兩年前參賽時只有5歲的Ariel，是年紀最細的得獎者之一，內容雖離不開金字塔、埃及人，但充滿童真兼是親身體驗。「去過杜拜旅行，見過駱駝，睇卡通時見過獅身人面像，所以憑記憶畫出嚟。」負責的指導老師張麗娜話Ariel最初坐唔定，上堂必定企住畫。「4歲嗰陣上堂真係四圍走，邊講嘢邊畫。最初似塗鴉，我畀啲畫佢模仿，之後就由佢發揮創意。家佢最叻係畫身邊人物、動物同花草。」
Isabella
從小薰陶
Isabella今年12歲，是吳炫樺老師的女兒，不但母親是名畫家，父親亦是當代藝術家、現任中山大學客座教授吳松老師。女兒秉承兩位優良血統，參加不同大賽約十多個，畫作屢獲獎，從她兩歲開始塗鴉，吳老師話：「佢好似未正式跟我哋上過一堂！就連比賽，都因朋友參加佢先一齊。」Isabella的靈感及題材都很隨意。「最初學水彩、粉彩等，今次比賽花二三個月睇參考書，將埃及不同嘅元素放入去，最特別係將物件畫喺一個人肚位置。」
吳氏藝苑
對象：12歲以下
內容：包括油性粉彩、水溶蠟筆、水彩及木顏色等西洋畫。
學費：$1,650/8堂（每堂1小時15分）
地點：中環及元朗均有學院
查詢：28154344