前特首董建華下台後淡出本地政壇，擔任全國政協副主席都係一年一度例行公事上京開會，佢似乎比較愛在國際發聲，月前先後到美國紐約大學（NewYorkUniversity）同喬治敦大學（GeorgetownUniversity）演講，就中美關係、中國發展、氣候變化等噏嘢。美國哥倫比亞大學（ColumbiaUniversity）噚日仲宣佈委任董建華做「環球學人」（GlobalFellow）。
同時獲任命嘅仲有聯合國前秘書長安南及奧地利前總理AlfredGusenbauer。呢次係哥大首次委任環球學人，據大學稱，環球學人會為國際及公共事務學院講學、主持學術會議，令學生可以得到第一手經驗，思考同批判涉及國際關係嘅種種問題。