小超人表示，長期持有物業數十年以來，佢未曾見過有投資者會輸錢，因為香港的土地供應實在太少。但短炒就係另一回事，若然有人抱短炒心態投資樓市，不如到澳門賭鋪好過。
「土地太少，樓市會升」呢個論點睇落都冇錯，咁買舖、買寫字樓投資又點？買樓投資即使未必買到心頭好單位，也可以搵同一屋苑內，同一座向之相近單位，投資價值未必差太遠，甚至買隔隣另一樓盤都得；但炒舖、炒寫字樓就唔同，極考眼光之外，一個最靚地段舖位唔易買到，奇貨可居。
近期股市轉旺，工商舖交投亦見反彈，美聯工商舖（459）指出，上月工商舖物業買賣登記648宗，按月升約27%之餘，兼創去年8月後新高，其中商舖市場更量價齊升。
短炒目標0.05元
美聯工商舖前日急升，一度升至0.041元，昨日則隨大市下跌0.02元，收報0.037元。該股近期表現神勇，除整體工商舖交投回升以外，亦係受股市氣氛所推動，不妨冷敲，短炒目標0.05元，跌穿0.03元止蝕。
方星俠