張敬軒戀棧舊物，經常搜購玩具鐵皮雞和He-Man公仔，又在拍賣網購買85年出產的柯柏文變形金剛，甚至現居50年代興建的大廈，仍保存舊式電掣。軒仔謂舊物能激起他的鬥心，更謂現階段想專注幕後，重奪失落多年的唱作人獎。
現年28歲的張敬軒的戀舊程度，連母親也取笑他，覺得踏進他的家猶如置身摩羅街。軒仔更把懷舊意念灌注在大碟《Love&Living》中，這股懷舊風讓他的唱片大賣達白金銷量，更加印推出第二版，當中收錄了他與林子祥的《相對論》合唱版。
難忘陳百強
軒仔覺得80至90年代的樂壇百花齊放，故此他特以這個時候為主題，並找來林子祥、倫永亮和徐日勤等前輩幫手，曲風也充滿那時候的獨有味道。軒仔謂舊物讓他有一種動力：「嗰個時代乜都好，經濟好買對鞋都靚啲啦。想好似以前咁美好，家就要努力啲去做，最難忘Danny陳百強、校長（譚詠麟）、哥哥（張國榮）、林憶蓮、蔡齡齡，家我仲keep住佢哋嘅黑膠碟，佢哋對我唱歌嘅方向影響深遠，我可以扮Danny仔唱歌㗎。」
軒仔停產了一段時間，今次唱片再有自創作品《故園花茶》，他說：「我開始想轉型，今年會做多啲幕後，出年希望可以開演唱會，我仲同老闆講，希望出年攞番遺失咗三年嘅唱作人獎。呢個獎對我好有鼓勵，男歌手獎要靠好多因素，但唱作人獎就係憑自己嘅努力。」
採訪：王連連 攝影：陳慧安
化妝、髮型：Hins
服裝提供：REACT