牛兄周二係咁同人講，叫人重槌買聖伊天，結果反勝勒哈弗爾4:2，幫〈早飛倉〉個結餘攞番唔少分數。周五又輪到畢傑畀貼士，近排擂台手風順，反而本欄硬係差少少運，決定揀場熱W旺旺佢先，要些路迪作客搞掂喜伯年。
些路迪早前喺打吡戰輸畀格拉斯哥流浪，好彩周二2:1擊敗登地聯，連傷癒復出嘅森馬拉斯都有份建功。咁啱周三格流對喜伯年失分，令到些路迪可佔爭標組榜首。
睇番周三場波，喜伯年有羅拔鍾斯等4名要員傷、停復出，實力大增下終令格流失分。不過睇番過程，格流有球波好明顯已經過晒白界，加埋拿祖路禾嘅入波，好應該贏2:1先係；但球證結果冇判到入球有效，喜伯年實在好彩。
誓保榜首位置
相比下，些路迪多喜伯年一日休息之餘，主力全部都歸晒隊。好似坐完波監復出嘅史葛布朗，話到明唔會轉會去英超發展，誓死效忠些路迪咁話，搞到愛華頓等食晒檸檬。至於森馬拉斯同中村俊輔等主力全可披甲，要擊敗喜伯年保榜首位唔係太難。
再睇往績，些路迪一向作客喜伯年都吃盡苦頭，但家陣爭標大過天，人腳又齊，我會吼實些路迪個單W，另揀個[-1]嘅3.5倍「和局」，博小勝同「和/客」。
配腳搵日聯賽事，川崎前鋒雖然啱啱反勝浦和紅鑽3:2，但防線真係好差，今周又有中場域陀祖利亞同守將橫山知伸停賽。仲有呀，佢哋下周二要打亞冠盃對浦項制鐵，唔係贏硬磐田山葉㗎。山葉近期盤路好到不得了，而近5次聯賽作客前鋒亦有4勝1和，呢場一於吼[+1]嘅1.95倍「客勝」。文：畢傑
早飛王貼士
星期日14 喜伯年vs些路迪
首選：些路迪勝（1.48）
次選：些路迪[和/客]（4.2）
冷選：些路迪勝2:1（7.5）
早飛倉
主菜：星期日14些路迪勝（1.48）@2,000
渾水摸魚過關：星期六5磐田山葉勝[+1]（1.95）x星期日14喜伯年和[+1]（3.5）2x1@500
今日早餐價錢：-$2,500
上日賺蝕：+$4,340
早飛倉結餘：$76,065
規則：$100,000本錢，每日買早餐最多動用$5,000，最少$1,000，逢周二、五起身食早餐（見報）。
周末焦點
星期六3 浦和紅鑽vs大阪飛腳
周六中午直播戲碼，又是大戰兼好賭場次。紅鑽近年與飛腳交手總鬥得精采，近6次於紅鑽主場對壘，雙方定必有入球；而上季最後一次對碰，各有一人領紅被逐，激烈！
星期六27 紐卡素vs富咸
舒利亞終取得領軍後首勝，紐卡素只餘最後一場主場，務必要全取3分護級。別以為富咸會放軟手腳，因他們尚有機會爭歐洲賽資格，這絕對是周六其中一場焦點大戰。
星期日24 西布朗vs利物浦
西布朗雖列榜尾，但近期主場頻有入球，且還有一絲希望護級。那邊廂曼聯周中反勝韋根後，餘下兩戰多取一分即封王，這邊廂的利物浦未知戰意會否受影響。