鄧萃雯和黎耀祥在無綫劇集《巾幗梟雄》中飾演四奶奶和柴九，深受觀眾熱捧，該劇迴響甚大，卻換來雯女不停被狗仔隊跟蹤。雯女又不忿被指10年沒拍拖，竟然自數多年來的緋聞。
鄧萃雯、黎耀祥、吳卓羲和惠英紅等昨日到觀塘鐘聲慈善社宣傳無綫劇集《巾幗梟雄》，與長者大玩遊戲和包糉派米。雯女和祥仔在劇中的情義演出獲一致好評，連長者都大讚他們好戲，難怪他們出場時獲報以熱烈歡呼聲。
柴九掏萬元宴客
《巾》劇收視高企，雯女很滿意反應，她說：「反應勁好，十幾日前狗仔隊開始跟我，證明都係一個迴響，我家出街冇人叫我個名，人人都叫我四奶奶。」雯女被指10年沒拖拍，她反駁說：「佢哋已經有設計好嘅題材，之前夠寫我同音樂才俊、火鍋店老闆、鄭嘉穎拍拖啦，呢啲明明都係10年內傳出嘅，點解家又變番10年冇拖拍呢。」
雯女表示劇集推出首周後，已聯絡祥仔叫他請食飯，雯女說：「當時祥仔仲話我係四奶奶，梗係食四奶奶啦。」由於收視高企又贏得口碑，雯女昨日乘機起哄叫祥仔請食飯，她說：「我夾份唔係問題，但失咗意義囉，柴九擔大旗嘛。」祥仔惟有順應民意，並即時決定自掏腰包五位數字宴請劇組，祥仔說：「呢套係我最好成績嘅一套劇，預咗請大家食飯，之後會屈雯女大結局食多餐。」
抽起劇集被投訴
早前該劇結局被披露，多個角色落得慘淡收場，雯女則說：「我感覺結局好完美，人生係要有少少遺憾先凄美，但我好希望可以原班人馬再開劇。」另外，本周二無綫因播放512特備節目而將《巾》劇抽起，結果無綫昨日接到11宗有關投訴指不應停播《巾》劇。
採訪：卓寶花
攝影：陳順禎