512汶川地震前日一周年，前晚大馬糖王郭鶴年的女兒郭惠光、榮雪梅、楊恭如、李玟和黃佩霞等，在金鐘出席災後重建籌款晚宴。榮雪梅在四川建學校，卻做善事做到一肚火，她說：「未有咁快起好，覺得好頭痛，做善事都要搵間信譽好嘅慈善機構，我管錢管得好緊，3、4個月上去一次，仲請咗一兩個人去監督，唔係我就唔見晒啲錢，家上面嘅官員一係賤賣啲屋，一係畀咗啲地啲親戚，我都有啲心灰意冷，做善事做到咁唔開心，真係冇意思。」
認為股市反常
榮雪梅謂在當地興建的學校，原先只需百多萬，但當地材料費不斷加，現時要用幾百萬，惟有繼續籌錢。談到股市回升，近日升上萬七點水平，她說：「我唔敢入，分分鐘冧，大圍經濟咁差，冇理由個市咁好，反常。」
採訪、攝影：JessicaNgan