汪明荃昨日在將軍澳電視廣播城出席「TVB恭賀汪明荃結婚之喜」記者會，儀式開始時播放羅家英的聲帶：「講到女人真係冇乜感覺，經歷太多。嘩！我一見到佢就冧晒。」其後更播出家英哥唱的《夢中人》，阿姐則心情靚爆，活動結束後更出巡派糖。曾在劇中飾演阿姐兒子的郭晉安也突然現身，向阿姐斟茶。
「我哋財政獨立㗎」
家英哥昨日則在橫店拍攝電影《大內密探靈靈狗》，該片導演王晶笑言送贈按摩女郎做結婚禮物，家英哥鬼馬說：「你夠膽送，我就夠膽揼。」有指家英哥婚後有機會分得阿姐億元身家，他說：「我唔知阿姐有幾多身家，但我啲錢只係少過李嘉誠啲啲，總之我哋財政獨立㗎。」
此外，阿姐昨日接受商台節目訪問，她坦言未習慣被叫羅太或家英嫂，又透露回港後有斟茶給大姑奶，她笑說：「都係叫Lisa親切啲，佢（羅家英）到家冇叫我做老婆，我都冇叫佢老公，大家有自己嘅生活方式，跟住呢年係適應期，調節吓點相處，係好大學問。」她又謂明年1月會與家英哥夫妻檔合作，演出由家英哥寫劇本的粵劇《德齡與慈禧》。
採訪、攝影：王崇穎、曾小嘉