前晚花旗股市冇乜方向，3個主要指數各自發展，道指升50點，但係收低於8500樓下，由於銀行股走勢麻麻，滙控（005）嘅ADR都要跌，噚日滙控跌3.2%收市，報收65.10元，技術走勢轉淡，有機下試61元。
恒指反覆下跌94點收市，報收17059。恒指守唔守得住17000關，就要睇滙控嘅表現。
中石化C輪15715：中石化（386）昨收6.26元，升近2%，噚日升破10日線，睇嚟會上試近日高位6.68元，破位就睇7.20元，可以諗吓隻C輪15715。
隻輪現價10.9仙，2009年11月23日到期，行使價5.99元，溢價13.1%，引伸波幅56.7%，槓桿率5.7倍（有效3.5倍），正股升上7.20元，15715睇17.2仙，正股跌穿5.90元，就沽咗隻輪止蝕。
俊樺