雜技天后蔡依林（Jolin）因為腰傷嚴重，最近宣佈「封舞」兩個月，校園騷隨時告吹，但噚日就有傳取消校園騷係因為銷情欠佳，其實今次Jolin開校園騷，條數計好晒，預計每場演出都賣到4,000隻新碟，點知唱完4場之後，傳出學生唔賣賬，每場只賣到1,500隻。不過Jolin經理人否認一切傳聞。為免人氣跌，Jolin諗到另一條橋，就係本月24號喺西門町河岸舉行慢歌演唱會，只需坐定定唱歌就得。Jolin話：「這幾年拚命挑戰自己的極限，這次我只想好好唱歌給大家聽！」呢招仲吸引到珠寶商贊助佢戴頂值逾億新台幣嘅皇冠造勢。